A1News.am-Արդեն հայտնել ենք, որ դժբախտ պատահար է տեղի ունեցել Գեղարքունիքի մարզի Կութ գյուղում։ ՀՀ ՊՆ-ին պատկանող «Կամազ» մակնիշի ավտոմեքենան վթարի է ենթարկվել։ Կա զոհ և վիրավորներ:
ՊՆ-ն քիչ առաջ հաստատեց մեր լուրը՝ տարածելով հաղորդագրություն․
«Նոյեմբերի 16-ին՝ ժամը 09:50-ի սահմաններում, ՀՀ ՊՆ «Կամազ» մակնիշի ավտոմեքենայի կողաշրջման հետևանքով մահացել է զինծառայող Գրիգոր Արթուրի Գրիգորյանը (ծնված՝ 2000թ.):
Հայաստանի Հանրապետության պաշտպանության նախարարությունը կիսում է կորստյան ծանր վիշտը և զորակցություն հայտնում զոհված զինծառայողի ընտանիքի անդամներին, հարազատներին և ծառայակիցներին:
Մարմնական վնասվածքներ են ստացել 7 զինծառայողներ, որոնք տեղափոխվել են կայազորային հոսպիտալ, հետազոտվել են և ստանում են անհրաժեշտ բուժօգնություն. զինծառայողների կյանքին վտանգ չի սպառնում:
Դեպքի հանգամանքները լիարժեք պարզելու համար տարվում է քննություն»:
Զոհվածը Արտաշատից էր՝ պայմանագրային զինծառայող։
