A1News.am-ՄԱԿ-ի Անվտանգության խորհրդի խաղաղապահների առաքելության տեղակայումը Ղարաբաղում հնարավոր է միայն հակամարտության երկու կողմերի համաձայնության դեպքում, «ՌԻԱ Նովոստի»-ի փոխանցմամբ՝ լրագրողներին հայտնել է ՌԴ նախագահի մամուլի քարտուղար Դմիտրի Պեսկովը:
«Աշխատավայրում, տարբեր մակարդակներում անընդհատ շփումներ են ընթանում։ Անշուշտ, այս թեման բազմիցս եղել է օրակարգում։
Սակայն հասկանալի է, որ ցանկացած առաքելություն կարող է ուղարկվել միայն հակամարտության երկու կողմերի համաձայնությամբ», – ասել է Պեսկովը։
ՀՀ վարչապետ Նիկոլ Փաշինյանը հունվարի 10-ին կայացած մամուլի ասուլիսում հարցին՝ խաղաղապահների ժամկետը լրանալու դեպքում ՀՀ-ն հնարավո՞ր է դիմի ՄԱԿ-ին, Փաշինյանն ասել է, որ իրավիճակի վերլուծությունը հիմք է տալիս նման բան ասելու, եթե տեսնի, որ գործառույթին որևէ բան սպառնում է. «Մենք՝ այդ թվում որպես Լեռնային Ղարաբաղի անվտանգության երաշխավոր երկիր, պետք է նաև այլ միջոցներ փնտրենք և փորձենք գտնել»։