A1News.am-Արմեն Սերոժի Գասպարյանը ծնվել է 1968թ. ապրիլի 12-ին Չարդախլու գյուղում: Ընտանիքի ավագ որդին էր: 1988թ. երկրաշարժի ժամանակ տեղափոխվել և մշտական բնակություն են հաստատել Գեղարքունիքի մարզի Այգուտ գյուղում:
Ընկերների շրջապատում Ձեդո էին անվանում, ուշադիր, հոգատար էր ծառայակից ընկերների հանդեպ: Կամավոր մասնակցել է 90-ականների պատերազմին, քառօրյա, 44-օրյա պատերազմին, ապա սեպտեմբերի 13-ին տեղի ունեցած պատերազմին և հերոսաբար զոհվել: Կռվել է «Կրասնի», «Սև հովազ» ջոկատներում:
Սեպտեմբերի 13-ի լուսադեմին մոտ մեկ ժամ Ջերմուկի դիրքերում կատաղի մարտ է վարել, պայքարել իրենց մի քանի անգամ գերազանցող թշնամու դեմ, ընկել շրջափակման մեջ և հերոսաբար զոհվել հանուն հայրենիքի:
Հարազատները երկար ժամանակ տեղեկություն չունեին նրանից և միայն շաբաթներ անց գտան նրա մարմինը և հողին հանձնեցին հոկտեմբերի 6-ին:
