A1News.am-Սեռական կյանքի բացակայությունը տղամարդկանց համար կարող է հանգեցնել ընդհուպ մինչև մահվան։ Այս եզրահանգմանն են եկել իտալացի գիտնականները։
140 կամավորների հետ անցկացրած փորձի արդյունքում՝ նրանք եկել են այն եզրակացության, որ սեռական կյանքի երկարատև բացակայության արդյունքում՝ տղամարդիկ սկսում են հիվանդանալ։ Փաստորեն, ուժեղ սեռի ներկայացուցիչները, միայն մեկ ամիս սեռական ակտիվություն չունենալու դեպքում, գտնվում են նույն ռիսկի խմբում, ինչպես դիաբետիկ հիվանդներն ու ծխողները:
Բացի այդ՝ սեռական կյանքից կամավոր կամ հարկադրված զերծ մնալը տարեց տղամարդկանց մոտ հանգեցնում է քրոնիկական հիվանդությունների սրացման: Իտալացի գիտնականների փորձի առաջին մասում ներգրավվել է 18-25 տարեկան 140 տղամարդ կամավոր: Նրանց կեսը բացարձակ առողջ էր, իսկ մնացած մասը տառապում էր անպտղությամբ: Փորձի էությունը պարզ էր։ Երիտասարդները ստիպված էին մեկ ամիս սեռական կյանք չունենալ:
Փորձի արդյունքում պարզվել է, որ նրանց գրեթե կեսի մոտ նկատվել են սրտանոթային համակարգի հիվանդությունների ռիսկի մեծացման նշաններ: Սրտաբանների կարծիքով՝ ավելի քան 3 տարվա ծխողների մոտ հաճախ նկատվում է նմանատիպ առողջական վիճակ:
Նրանք եկել են այն եզրահանգմանը, որ նույնիսկ 65-70 տարեկանում կանոնավոր սեռական կյանք ունեցող մարդիկ ավելի քիչ են տառապում տարբեր հիվանդություններով, շատ ավելի ակտիվ են և շատ ավելի երիտասարդ տեսք ունեն, քան իրենց հասակակիցները, որոնք սեռական կյանք չունեն:
