A1News.am-«Սուրբ Գրիգոր Լուսավորիչ» ԲԿ-ում մահացած 7 տարեկան տղայի մահվան պատճառը պարզ կդառնա դատաբժշկական փորձաքննությունից հետո։
Այս մասին «Հայկական ժամանակ»-ի հետ զրույցում հայտնեց ԲԿ-ի մամուլի խոսնակը։
«Ցավալի դեպք է տեղի ունեցել, մահվան պատճառը պարզելու համար նշանակվել է դատաբժշկական փորձաքննություն»,- ասաց նա։
Ինչպես արդեն հայտնել ենք, դեկտեմբերի 26-ին՝ ժամը 00:40-ին, «Սուրբ Գրիգոր Լուսավորիչ» Բ/Կ-ից ահազանգ է ստացվել, որ դեկտեմբերի 24-ից իրենց մոտ բուժման մեջ գտնվող 2015թ. ծնված տղա երեխան դեկտեմբերի 25-ին՝ ժամը 23:55-ին, մահացել է, իսկ երեխայի հարազատները դրսևորել են ոչ ադեկվատ պահվածք:
Մամուլում շրջանառվող լուրերի համաձայն, երեխայի մայրը փորձել է ցած նետվել պատուհանից: Գործողությունը կանխվել է:
