A1News.am-Պատերազմին ծանր վիրավորում ստացած Հայկը «Զինվորի տուն» վերականգնողական կենտրոնում անհրաժեշտ բուժում է ստանում։ Նա երեկ ամուսնացել է իր համակուրսեցու հետ, որին դեռ հավանել է ուսանողական տարիներից, սակայն բուհն ավարտելուց հետո նրանք չեն հանդիպել։
«Զինվորի տուն» էջը հայտնում է, որ համակուրսեցիները հանդիպել են վերջերս, սիրահարվել և երեկ եղել է նրանց ամուսնության արարողությունը։
Ռոզան պատմել է, որ տարիներ անց իրենց նպատակներից մեկը առանց անվասայլակի Շվեյցարիա ու Իտալիա գնալն է։ Հայկն էլ հայտնել է, որ մեծ ընտանիք է ունենալու և երազում է, որ առաջնեկն աղջիկ լինի, իսկ տղաները՝ մի քանիսը։
Հարսանյաց արարողությանը «Զինվորի տունը» նվեր է արել զույգին, որպեսզի մեղրամիսն անցկացնեն Իտալիայում։
