A1News.am-SHAMSHYAN.com-ը ներկայացնում է՝ ինչպես է հոկտեմբերի 16-ին Նուբարաշենում Opel Zafira մակնիշի ավտոմեքենան հայտնվում ձորում։ Վթարի պահն արձանագրվել է տեսախցիկի կողմից։
Ինչպես հայտնում է ֆոտոլրագրող Գագիկ Շամշյանը, դեպքի վայր ժամանած Հայաստանի քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժնի քննիչ Գեղամ Սարգսյանի կողմից նախաձեռնված վարույթի շրջանակում պարզվել է Opel-ը վարել է Երևանի բնակիչ 56-ամյա Գագիկ Մովսեսյանը։
Վթարի հետևանքով հիվանդանոց են տեղափոխվել Երևանի բնակիչներ 35-ամյա Զարուհի Ղ․-ն, 7-ամյա Տիգրան Հ․-ն և 9-ամյա Տաթևիկ Հ․-ն։
Գ․ Շամշյանի տեղեկություններով՝ վերջիններս քույր ու եղբայր են։
Ինչպես ավելի վաղ դեպքի վայրից հայտնել է ֆոտոլրագրողը, հոկտեմբերի 16-ին, խոշոր ավտովթար է տեղի ունեցել Երևանում: Ժամը 19:40-ի սահմաններում Արարատի մարզի Բարձրաշեն գյուղից դեպի Նուբարաշեն ավտոճանապարհին Opel Zafira մակնիշի ավտոմեքենան դուրս է եկել ճանապարհի երթևեկելի գոտուց և մոտ 40 մետր մի քանի պտույտ շրջվելով գլխիայր հայտնվել «ղամիշների» մեջ:
