A1News.am-Երեկ՝ հունվարի 6-ին, արտակարգ դեպք է տեղի ունեցել Երևանում։
Ժամը 21։30-ի սահմաններում Արտակարգ իրավիճակների նախարարության Փրկարար ծառայության 911 ճգնաժամային կառավարման կենտրոն ահազանգ է ստացվել, որ Շիրակի փողոցում, «Կլայդ» կահույքի սրահի հարևանությամբ ավտոմեքենա է այրվում։
Հրշեջները մարել են Երևանի բնակիչ 43-ամյա Խաչատուր Ա․-ին պատկանող Mercedes Vito մակնիշի ավտոմեքենայում առաջացած կրակը։ Այրվել է շարժիչի հատվածը և ցուցիչների վահանակը մասամբ։ Վարորդի ինքնազգացությունը վատացել է և օպերատիվորեն ժամանած շտապօգնության թիվ 61 բրիգադի բժիշկները նրան տեղում ցուցաբերել են առաջին բուժօգնությունը։
Գ․ Շամշյանի տեղեկություններով՝ կրակի պատճառը եղել է, դեռևս անհայտ հանագամանքներում՝ ավտոմեքենայում առաջացած պայթյունը, և այդ պահը ֆիքսվել է հարևանությամբ տեղադրված տեսախցիկի կողմից։