A1News.am-Լևոն Մամիկոնյանը իր ֆեյսբուքյան էջում գրում է․ «Խորը վշտով և մեծ ցավով տեղեկացնում ենք,որ կյանքից վաղաժամ հեռացել է Լիլիթ Հայկի Սարգսյանը։ Հոգեհանգստի արարողությունը տեղի կունենա 02.09.2022 թ. 17։00-ից Ջրառատի սբ. Կարապետ եկեղեցում։
Հուղարկավորությունը նույն վայրից 03.09.2022թ. Ժամը 13։00-ին»։ Այս հրապարակումը կիսելով՝ Լիլիթ Ստեփանյանը գրում է․ «Առավոտյան լսեցինք հերթական բոթը․ սեպտեմբերի 1-ն իր խորհրդով անէացավ րոպեի մեջ։
Մահացել է մեր քաղաքի լուսավոր ու դրական կերպարներից մեկը, մեծ ապագա ունեցող երիտասարդ աղջիկ` Լիլիթը, ով դեռ այնքան երկար պիտի ապրեր, լուսավորեր ու երջանկացներ, երջանիկ լիներ իր ընտանիքի, հարազատների ու ընկերների հետ։
Դժվար է խոսելը։ Ցավակցություններս Լիլիթի ընտանիքին, հարազատներին, ընկերներին, մեզ։ Ցավոք, նման դեպքերում կորցնում ենք բոլորս»։
Նշենք, որ Լիլիթը մասնագիտությամբ երաժիշտ էր, նաև սովորել է Բրյուսովի անվան համալսարանում։ Նա ծնունդով Հրազդանից էր։
