A1News.am-Քիչ առաջ խոշոր հրդեհ է տեղի ունեցել Երևանում: Ժամը 16:50–ի սահմաններում Արտակարգ իրավիճակների նախարարության փրկարար ծառայության 911 ճգնաժամային կառավարման կենտրոն ահազանգ է ստացվել, որ հրդեհ է բռնկվել Խորենացի 6 փողոցում գտնվող «ՎԱՍ» սուպերմարկետի և բնակելի տների տանիքում:
Ինչպես հայտնում է ֆոտոլրագրող Գագիկ Շամշյանը, օպերատիվորեն ժամանել են ԱԻՆ ՓԾ 4 մարտական հաշվարկ և ավտոսանդուղք: Ժամանել է նաև ԱԻՆ ՓԾ ճգնաժամային կառավարման օպերատիվ խումբը:
Օպերատիվորեն ժամանել են ՀՀ ոստիկանության պարեկային ծառայության Երևանի գնդի 1-ին գումարտակի 3-րդ վաշտի պարեկները՝ գումարտակի հրամանատար Արամ Դադոյանի, հրամանատարի տեղակալ Արտակ Սիրադեղյանի և վաշտի հրամանատար Ալեքսան Գասպարյանի գլխավորությամբ:
Տեղում տարածքը սահմանազատել և ուժեղացված ծառայություն են կատարում նույն վաշտի պարեկներ Կարեն Գալստյանը, Էդիկ Առաքելյանը, Գեղամ Բաբայանն ու Ավետիք Պետրոսյանը, որպեսզի հետաքրքրասեր քաղաքացիները մեքենաները չկայանեն, որ հրշեջները առանց խոչընդոտի կարողանան աշխատեն: Տեղում հայտարարվել է հրդեհի վտանգավորության «ԲԻՍ 1» աստիճան:
Տեղում են նաև Երևանի շտապօգնության բժիշկների հերթապահ խմբերը, որպեսզի եթե անհրաժեշտություն լինի, վիրավորներին օգնություն ցուցաբերեն:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: