A1News.am-Մարդու քրտինքը հոտը մաշկի մեջ բնակվող բակտերիաների պատճառով է: Բայց եթե քրտինքի տհաճ հոտն անընդհատ եք զգում, նույնիսկ եթե դեզոդորանտ եք օգտագործում, դա կարող է վկայել առողջական խնդիրների մասին:
Հորմոնալ փոփոխություններ
Հորմոնները, ինչպես հայտնի է, ազդում են մարմնի հոտի վրա, հատկապես՝ սեռական հասունացման ժամանակ: Սակայն հորմոնալ փոփոխություններ տեղի են ունենում նաեւ սեռական հասունացումից հետո, օրինակ՝ հղիության եւ դաշտանադադարի ժամանակ։ Դաշտանային ցիկլի տատանումները էստրոգենի բարձր պարունակության պատճառով նույնպես կարող են ուժեղ քրտնարտադրություն եւ տհաճ հոտ առաջացնել:
Շաքարային դիաբետ
Շաքարային դիաբետը մարմնի տհաճ հոտի ամենատարածված պատճառներից մեկն է: Այս հիվանդությամբ մարդկանց օրգանիզմում չափազանց շատ գլյուկոզա է պարունակվում, ինչը կարող է ազդել ինչպես բերանից, այնպես էլ մարմնից հոտի վրա: Արյան մեջ շաքարի մակարդակը չվերահսկելու դեպքում լուրջ խնդիրներ կարող են առաջանալ։
Գերակտիվ վահանաձեւ գեղձ
Գերակտիվ վահանաձեւ գեղձը նույնպես կարող է հանգեցնել քրտինքի ավելի ուժեղ հոտի: Մասնագետների խոսքով՝ վահանաձեւ գեղձի դիսֆունկցիան առողջության համար բազմաթիվ երկարաժամկետ հետեւանքներով է հղի։
Ավելի հաճախ մարմնի ուժեղ հոտն անվնաս պատճառ ունի եւ վերանում է անձնական հիգիենայի մեջ որոշակի փոփոխություններ մտցնելու դեպքում: Բայց եթե դա չի օգնում, ցանկալի է դիմել բժշկի եւ պարզել խնդրի իրական պատճառը:
