A1News.am-Ամերիկացի հայտնի երգչուհի Բեյոնսեն և նրա ամուսինը՝ պրոդյուսեր և ռեփ կատարող Jay-Z-ն, գնել են աշխարհի ամենաթանկ ավտոմեքենան, հաղորդում է Luxury Launches-ը՝ վկայակոչելով իր աղբյուրները։
Ինչպես նշվում է, խոսքը շքեղ դասի մեքենաներ արտադրող Rolls-Royce ընկերության 29 միլիոն դոլար արժողությամբ նոր կաբրիոլետի մասին է, որը ներկայացվել է այս շաբաթ: Ամերիկյան մի շարք լրատվամիջոցներ գրում են, որ մեքենան երգչուհին և նրա ամուսինն են պատվիրել։
Հաղորդվում է, որ այն ստեղծվել է Լազուր ափով երթևեկելու համար, քանի որ ամուսինները հաճախ են լինում այնտեղ և ցանկանում են իրենց ուղևորությունները հարմարավետ դարձնել։
Մեքենան, ինչպես նշել է շքեղ դասի մեքենաներ արտադրող ընկերության աղբյուրը, բեռնախցիկում ունի մինի բար, իսկ հետնամասը կարող է վերածվել «հանգստի գոտու»։
