A1News.am-Այսօր ընտանիքները այնպիսին չեն, ինչպես 100 տարի առաջ: Եթե առաջ մարդիկ ընտանեկան միություն կազմելով հասկանում էին, որ ամբողջ կյանք միմյանց հետ պետք է անցկացնեն, ապա այսօր բոլորի մոտ կա հույս, որ եթե ինչ-որ բան այնպես չլինի, միշտ կարելի է բաժանվել:
Երբ ամեն ինչ մտածվածի կերպ չի գնում, ապա այդ հույսն ավելի և ավելի է սկսում կլանել, դրդելով վտանգավոր քայլի: Բաժանումը եղել է և միշտ կլինի հոգեկան վնաս պատճառող իրադարձություն։ Առավել ևս, եթե ընտանիքում կան երեխաներ, քանի որ վերջիններս ավելի ծանր են դա տանում: Այդ պատճառով հոգեբանները խորհուրդ են տալիս գիտակցաբար մոտենալ զույգի ընտրությանը և ընտանիք կազմելուն: Նույնիսկ հասուն մարդիկ ամուսնանալով մինչև վերջ չեն գիտակցում, թե ինչ է իրենց սպասում: Սակայն, եթե կա որոշում սիրելիի հետ կապել կյանքը, ուրեմն ընտանիքը կլինի ամուր և կհաղթահարի բոլոր դժվարությունները:
Ինչի՞ վրա է հիմնվում երջանիկ և ամուր ամուսնությունը: Ահա 5 պայման:
Ընդհանուր նպատակ՝ լինել երջանիկ
Ոչ թե դառնալ երջանիկ, ոչ թե կառուցել երջանկություն, այլ լինել երջանիկ: Ընդհանուր նպատակները կարևոր պայման են մարդկանց միավորման համար: Ընդհանուր նպատակը իհարկե տարբեր կարղ է լինել՝ հիպոտեք վճարել, երեխաներին ոտքի կանգնացնել: Այս բոլորը կարճաժամկետ, ապագային միտված ծրագրերն են, այլ ոչ ներկային: Երջանիկ լինելու նպատակը միշտ արդիական է և այն իրականանում է ամեն պահ: Հենց այսպիսի դրվածքն է ամրացնում ընտանիքը, այն դարձնում կայուն և անխոցելի: Եթե հարաբերություններն ընտանիքում հիմնվում են այդպիսի նպատակի վրա, ապա մարդիկ կարողանում են կանգուն մնալ, պահպանել վստահությունը, սերը և ամեն լուսավորը, ինչ կա նրանց միության մեջ:
Ընդունված որոշում՝ սիրել և միասին լինել
Կարելի է խոսել այն մասին, որ մարդկանց միավորում է սերը, համակրանքը, կապվածությունը, կիրքը: Այս բոլորն ամուր ընտանիքի շատ լավ հասկացություններ և բաղադրիչներ են: Սակայն այսօր սեր հասկացությունը այնքան է փոխվել, որ մարդկանց մեծամասնությունը չի հասկանում իրականում դա ինչ է: Սերը համալիր է, ծավալուն, սակայն այն հիմնվում է կայացած որոշման վրա: Ասելով «ես սիրում եմ քեզ», պետք է հասկանալ ոչ թե փորի մեջ թռնող թիթեռնիկներ կամ մթագնած գիտակցություն, այլ սեր խոստովանելով դուք ասում եք՝ «ես ընտրել եմ քեզ և որոշում ընդունել սիրել քեզ անկախ ամեն ինչից»: Սա հիմնական տարբերությունն է: Բանն այն է, որ սիրահարվածությունը, կիրքը, կապվածությունը կենցաղի ծանրության տակ կոտրվում են և չեն դիմանում տարիքային փոփոխությունների: Իսկ սերը երբեք չի դադարում, այն հիմնված է կայացած որոշման վրա: Դա կոչվում է հոգիների հարազատություն, այլ ոչ թե երաժշտական ճաշակի, սովորությունների և այլ փոփոխական բաների համընկնում:
Համբերություն
Ինչ էլ որ ասեն բոլորը, համբերությունն ամուր ամուսնական միության անբաժան մասն է: Կյանքի ճշմարտությունն այն է, որ գոյություն չունեն կատարյալ մարդիկ: Կատարյալ մարդը երևակայության արդյունք է, այլ ոչ իրական մարդ, ում հետ կարելի է ամուսնանալ: Մեր և մեր զույգերի մոտ կան թերություններ և ինչ էլ լինի՝ ոչ մեկ չի կարող դառնալ կատարյալ: Այս դեպքում օգնության է հասնում համբերությունը: Համբերությունը լռակյաց հնազանդություն չէ և տառապանք, այլ գիտակցված որոշում, որը բխում է ընդունումից: Եթե սառը գլխով դատել, առանց զգացմունքների, ապա յուրաքանչյուր մարդու թերություններն, իրականում, մանրուքներ են:
Թիմային ոգի
Ընտանիքը թիմ է, որտեղ մարդիկ միավորված են ընդհանուր նպատակի շուրջ: Ամուր ընտանեկան զույգերն ամեն ինչ անում են թիմային ոգին բռնկելու համար: Կարևոր պահն այն է, որ ընտանիք-թիմը միավորվում է ոչ թե ինչ-որ բանի դեմ, այլ որոշակի նպատակի հասնելու համար: Թիմը մարդիկ են՝ միավորված ընդհանուր նպատակով, ովքեր միմյանց չեն դավաճանում, այլ ամեն ինչ անում են միասին առաջ շարժվելու համար: Այս թիմում ոչ մեկ չի հաշվում մյուսի ներդրումը հաջողության մեջ, դրա փոխարեն բոլորը լրացնում են միմյանց:
Նույն արագությունը
Եթե դիտել ընտանեկան կյանքը որպես ճանապարհ, ապա մարդիկ, ովքեր քայլում են դրանով, պետք է շարժվեն նույն արագությամբ: Առաջ շարժվելով ձեռք ձեռքի բռնած այս պայմանը բավականին հեշտ է կատարել: Սակայն եթե ինչ-որ մեկը կանգնում է կամ առաջ է ընկնում և նրանց միջև տարածությունը մեծանում է, ապա մեծ է միմյանց կորցնելու վտանգը: Այդ պատճառով ամուր ընտանեկան հարաբերությունների գրավականը նույն արագությամբ շարժվելն է: Եթե զույգերից մեկը հոգնել է, ինչը պատահում է նույնիսկ ամենաներդաշնակ հարաբերություններում, երկրորդն իր վրա պատասխանատվություն է վերցնում, որպեսզի շարժը շարունակվի: Երբեմն մենք միմյանց տանում ենք, որպեսզի կանգ չառնենք կամ ընդմիջում ենք անում, որպեսզի իրար հետ շարունակենք: Կարևորը միասին շարժվելն է:
Ինչպես տեսնում եք, չկա երջանիկ ընտանիքի նույն բաղադրատոմս, սակայն գոյություն ունեն որոշակի պայմաններ, որոնք ձևավորում են հաջողությունը հարաբերություններում: Ընտանեկան երջանկությունը հաճելի աշխատանք է, եթե իհարկե դրանում կա սեր:
