A1News.am-Սեքսը հարաբերությունների ոլորտ է, որը շատերը վախենում են քննարկել նույնիսկ երկար վստահելի հարաբերություններում:
Սակայն որոշ իրավիճակներում պարզապես անհրաժեշտ է խոսել՝ ոչ միայն սեռական կյանքի որակը բարելավելու, այլեւ սխալներից խուսափելու համար։
Ցածր ցանկություն
Հազվադե՞պ եք սեքսով զբաղվելու տրամադրություն ունենում: Դուք մենակ չեք. վիճակագրության համաձայն՝ կանանց մինչև 40%-ը նշում է, որ ցածր ցանկություն ունի, մինչդեռ նրանց մոտ կեսն իրեն մեղավոր է զգում դրա համար։ Սեռական ցանկությունների նվազման ամենատարածված պատճառներից մեկը դեղորայքն է: Որոշ հակադեպրեսանտներ, ինչպես նաև հակաբեղմնավորիչ հաբեր, հակահիստամիններ և օփիատներ կարող են մեծապես ազդել կնոջ գրգռվելու ունակության վրա:
Ձեր բժշկի հետ դրական և բացասական կողմերի մասին քննարկելը և այլընտրանքային տարբերակների ուսումնասիրությունը կարող է օգնել ձեզ` վերակենդանացնել ցանկությունը: Բժշկական հիվանդությունները նույնպես կարող են հանգեցնել լիբիդոյի նվազման, ուստի, եթե պատճառը դեղորայքը չէ, ստուգման համար դիմեք ձեր բժշկին: Հնարավոր է նաև այլ տարբերակ. ձեր սեքսուալ ցանկությունն իրականում նորմալ է, բայց դուք պարզապես սպասում եք նույն սեքսին, ինչ ունեցել եք ձեր հարաբերությունների առաջին ամիսներին: Սակայն իրական կյանքը նման չէ ֆիլմերին, որտեղ սեքսը ներկայացվում է թեժ, ինքնաբուխ, անպաշտպան և մշտական օրգազմներով։ Սա ստիպում է մարդկանց թերարժեքություն զգալ, մինչդեռ իրականում դա նորմալ է:
Սեքսը սովորական է և ձանձրալի
Ինչքան էլ սիրես խմորեղենը, եթե դրանք ուտես օրը երեք անգամ, վերջում ուրիշ բան կցանկանաս։ Նույնն էլ սեքսի դեպքում: Նորույթի ու արկածների ցանկություն վաղ թե ուշ կառաջանա։ Հավանաբար, դուք պետք է ստեղծեք հատուկ սեքսի մենյու հատուկ ցանկով, որը ցանկանում եք միասին փորձել: Ոմանց համար այն հիմնականում կենտրոնացած կլինի հենց սեռական ակտի վրա, որոշ զույգեր ավելի շատ խորտիկներ կունենան նախախաղի տեսքով, իսկ մյուսները ստիպված կլինեն ավելի շատ հոգեբանական ասպեկտներ գրել, օրինակ՝ սեռական խոսակցություններ: Հիմնական բանը, որ պետք է` զուգընկերոջ հետ այնպիսի սեքսուալ ճաշացանկ ստեղծելն է, որում երկուսիդ համար էլ մի քանի համեղ ուտեստներ կլինեն։ Դա անելու համար ազատորեն խոսեք այն մասին, թե ինչն է ձեզ գրգռում, որպեսզի նա իմանա, թե ինչն է ձեզ կցնցի անկողնում:
Օրվա ընթացքում սեքսի համար բավարար ժամանակ չկա
Դուք չեք կարող հրաժարվել աշխատանքում և ընտանիքում ձեր բոլոր պարտականություններից, բայց կարող եք կրճատել դրանցից մի քանիսը և ժամանակ անցկացնել ձեր զուգընկերոջ հետ միայնակ՝ ֆիլմեր դիտելով, սպորտով զբաղվելով կամ պարզապես ազատվելով սթրեսից և հանգստանալով: Սա, հավանաբար, կհանգեցնի ավելի շատ (և ավելի լավ) ակտիվության ննջասենյակում: Կանայք, ովքեր դա անում են, հակված են իրենց ցանկության հետ կապված բարելավումներ տեսնել:
Դուք սեքսով եք զբաղվում, բայց չեք կապվում
Հարաբերությունների սկզբում ցանկությունները համընկնում են, բայց ժամանակի ընթացքում կարող են առաջանալ տարաձայնություններ, և այնպիսի բաներ, ինչպիսիք են տարիքային տարբերությունները, առողջական խնդիրները և տարբեր ապրելակերպը, որ սկսում են ավելի կարևոր դառնալ: Այս իրավիճակում երկու զուգընկերներն էլ սեքս են ուզում, բայց նրանք միեւնույն ժամանակ նրանք տարբեր ժամանակներում են և շատ են տարբերվում իրարից։
Ավելի շատ նախախաղի օգտագործումը կօգնի նորից բորբոքել կրակը և կհասցնի ձեզ լիակատար օրգազմի: Դա կարող է լինել համբուրվելն ու շոյումները, մերսումները կամ միասին էրոտիկ գրականություն կարդալը: Զույգերը կարող են նաև սեքս պլանավորել ըստ գրաֆիկի: Եթե գիտեք, թե երբ պետք է սեքսով զբաղվեք, կարող եք պատրաստվել, որպեսզի լինեք նույն տրամադրությամբ:
Սեռական ցանկությունների անհամապատասխանություն
Զուգընկերների ցանկության անհամապատասխանությունը սեքսի ամենատարածված խնդիրներից է: Նախ, դա կարող է լինել ֆիզիկական խնդիր, օրինակ՝ ցավ սեռական հարաբերության ժամանակ: Երկրորդ պատճառը կարող է լինել քրոնիկ հոգնածությունը կամ սթրեսը, որը կապված է, ասենք, երեխայի խնամքի կամ ֆինանսական խնդիրների հետ։ Այս դեպքերում որոշումները կախված են ապրելակերպի փոփոխություններից և զուգընկերների միջև շփումից: Հաճախ սեռական խնդիրների պատճառ են հանդիսանում հարաբերություններում առկա խնդիրները՝ զայրույթը, վրդովմունքը, դավաճանությունը կամ մեկ այլ բան, որոնք պետք է լուծվեն նախքան սեռական խնդիրների հետ առնչվելը:
Անկախ նրանից, թե որն է խնդիրը, զուգընկերները պետք է հիշեն, որ անհրաժեշտ է իրար նկատմամբ լինել կարեկից և համբերատար, հակառակ դեպքում` դժգոհությունը կարող է կործանել իրենց հարաբերությունները:
