A1News.am-ԻՔՄ ծրագրերի համակարգող Դանիել Իոաննիսյանը գրում է. «ՌԴ խաղաղապահները այլևս չեն ուզում/կարողանում գործել Արցախում, ադրբեջանական բանակը առաջ է գալիս Ռուսական կողմի միջնորդությամբ պայմանավորվածություն էր ձեռք բերվել՝ Արցախի Խրամորթ գյուղի հարակից բլուրներից հայկական և ադրբեջանական զորքերի սիմետրիկ հետքաշման մասին: Հետքաշումից հետո այդ տեղում պետք է տեղակայվեին ռուս խաղաղապահները: Սակայն, տիեզերքի պատմության մեջ առաջին անգամ ռուսները հայերին քցեցին և բլուրը վերցրեցին ադրբեջանցիները:
Ավելին, ադրբեջանցիները ռուսների լուռ համաձայնությամբ, արդեն վերցրել են Փառուխ գյուղը և շարժվում են առաջ՝ դեպի Խրամորթ գյուղի թիկունք (միգուցե՝ նպատակ ունենալով գրավել Քարագլուխ բարձունքը): Այս ամենին արժի գումարել այն, որ Արցախի փակված գազատարը այն տարածքում է, որը պետք է վերահսկվեր ռուս խաղաղապահների կողմից (Լաչինի մջանցքի 5 կմ-անոց գոտում)»: