A1News.am-Արցախյան 2-րդ պատերազմի վերաբերյալ 2020 թվականի նոյեմբերի 9-ի հայտարարությունից հետո գերեվարված հայ զինծառայողների նկատմամբ Ադրբեջանը շարունակում է հետապնդումը։ Երկրի պետական անվտանգության ծառայության և գլխավոր դատախազության մամուլի ծառայությունները այսօր համատեղ հայտարարություն են տարածել ու հայտնել,
որ 2020-ի նոյեմբերի 9-ի հայտարարության ստորագրումից հետո Հայաստանի մի խումբ քաղաքացիներ ապօրինի կերպով զենք ու զինամթերք են ձեռք բերել և ստեղծել օրենքով չնախատեսված զինված կազմավորումներ: Ըստ ադրբեջանական կողմի հաղորդագրության՝ նրանց կողմից գերեվարված զինվորները նոյեմբերի 26-27-ը թաքնվել են Հադրութի անտառներից մեկում։
Գերեվարված ևս 14 հայ զինծառայողների նկատմամբ հարուցված «քրեական գործի» հետաքննությունն ավարտվել է և ուղարկվել դատարան: Նշվում է, որ, այսպես կոչված, հետաքննությունը շարունակվում է Հովհաննիսյան Հայկազ Կորյունի, Մանուկյան Վարազդատ Ամուշավանի, Ստեփանյան Դավիթ Ստեփանի, Թոսունյան Լևան Աշոտի և ևս 9 հոգու նկատմամբ։
