A1News.am-ԻՔՄ համակարգող, Հանրային խորհրդի անդամ Դանիել Իոաննիսյանը ֆեյսբուքյան իր էջում գրել է. «Ալեն Սիմոնյանի, Արթուր Վանեցյանի ու գողականների մոռացված դաշինքը 2018 թվականին Ալեն Սիմոնյանը և Դավիթ Սանասարյանը պատգաամվոր էին առաջադրվել Երևանի Կենտրոն-Էրեբունի շրջանների ընտրատարածքում:
Ալեն Սիմոնյանի շտաբի պետը Տիգրան Վանեցյանն էր՝ Արթուր վանեցյանի հարազատ կուզենը: Մեթոդները, որոնցով Էրեբունիում լավ ոտք դրած ու ԱԱԾ-ն հսկող Վանեցյանների գերդաստանն իրականացնում էր Ալեն Սիմոնյանի PR-ը, մեղմ ասած, կապ չունեին ժողովրդավարության հետ.
«Վստրեչի Ապերն» ու Վանեցյանի շնորհիվ քրեական հետապնդումից խուսափած այլ գողականներ լծվել էին քարոզարշավին: Այդ ընթացքում մի քանի անգամ Դավիթ Սանասարյանին խստորեն «հորդորում» են ինքնաբացարկով դուրս գալ մրցապայքարից, որ Ալեն Սիմոնյանը ավելի շատ քվե հավաքի: Սանասարյանը, ինչպես գիտեք, դա չարեց:
Չարեց ու մի քանի ամսից իր նկատմամբ ԱԱԾ-ի կողմից սկսվեց անհեթեթ քրեական հետապնդումը: Այդպես, երևի, Վանեցյան-Սիմոնյան զույգը վրեժ էին լուծում հեղափոխության առաջներդներից մեկից՝ Դավիթ Սանասարյանից»:
