A1News.am-Lragir.am-ը գրում է. Ալիեւը զարմացած է է, որ Հայաստանում «պարտված ղեկավարությունը ստացել է ժողովրդի վստահությունը»: Նա եզրակացնում է, որ «հայ ժողովուրդը եւ Հայաստանի ղեկավարությունը համակերպվել են նոր իրավիճակի եւ պարտության հետ»:
Ալիևի զարմանքն այնքան էլ հասկանալի չէ։ Չնայած Բաքվի ղեկավարությունը մի քանի անգամ փոխվեց 1990 -ականների սկզբին խոշոր պարտություններից հետո, բայց նրա հայրը, որը 1993 -ին կրկին վերադարձավ իշխանության և դրանից հետո կորցրեց 5 շրջան, այդպես էլ հրաժարական չտվեց: Նա շարունակեց ղեկավարել մինչև իր մահը՝ 2003 թ., հասցնելով երկիրը «ժառանգել» որդուն և չկնքել «խաղաղության պայմանագիր» Հայաստանի հետ:
Ըստ ամենայնի, Իլհամ Ալիևին հանգիստ չի տալիս այս ասոցիացիան՝ պատերազմում պարտությունից հետո հայրը զիջեց տնտեսական ինքնիշխանության մի մասը՝ կնքելով «դարի գործարքը» և երկիրը կերոսինի տակառի վերածելով: Որդի Ալիևը քաղաքական գործարք կնքեց Ռուսաստանի և Թուրքիայի հետ՝ զիջելով ինքնիշխանությունը, ինչը հնարավորություն տվեց «ռևանշ» վերցնել:
Ինչպե՞ս կզարգանան իրադարձությունները Հայաստանում: Ալիևը պահանջում է կատարել Ռուսաստանի հետ գործարքը: «Մենք ակնկալում ենք, որ Ռուսաստանը կդադարի զինել Հայաստանին, սակայն մինչ այժմ մենք դա չենք տեսել»: Նա հիշեցրել է, որ ՌԴ պաշտպանության նախարարը հայտարարել է, որ Հայաստանին զենք մատակարարելու գործընթացը սկսված է»:
Ըստ Ալիեւի, Հայաստանին զենք մատակարարելու «իմաստ» չկա: Նա պահանջում է, որ Հայաստանը «խաղաղության պայմանագիր» ստորագրի: Վախենու՞մ է Ալիեւը ռեւանշից:
