A1News.am-Ադրբեջանի նախագահ Իլհամ Ալիևը հերթական անգամ բացահայտ ագրեսիա և սպառնալիք դրսևորելով` նշել է, որ «Զանգեզուրի միջանցքը» պետք է բացվի։ Ինչպես հաղորդում է «Արմենպրես»-ը, Ալիևն այս մասին խոսել է թուրքական «Անադոլու» գործակալությանը տված հարցազրույցում։
«Մենք դեռևս համբերություն ենք դրսևորում: Չնայած՝ մեր համբերությունը նույնպես սահմաններ ունի: Երկրորդ Ղարաբաղյան պատերազմը ցույց տվեց, թե ինչ է տեղի ունենում, երբ մեր համբերությունը սպառվում է: Հետևաբար, մենք Հայաստանին հնարավորություն ենք տալիս կատարել նոյեմբերի 10-ի հայտարարության բոլոր պայմանները և գործել պատասխանատվությամբ»,- ասել է Ալիևը:
