A1News.am-Ըստ ռուս-ադրբեջանական հռչակագրի՝ Մոսկվան և Բաքուն պատրաստակամություն են հայտնում անհապաղ խորհրդակցություններ սկսել կողմերից յուրաքանչյուրի անվտանգությանն ու շահերին սպառնացող վտանգի դեպքում։
Հռչակագիրը նախատեսում է նաև անվտանգության ապահովման համար փոխադարձ ռազմական օգնություն ցուցաբերելու հնարավորություն։ Ալիևը մեջբերել է Հռչակագրի առաջին պարբերությունը, ըստ որի, Ռուսաստանի ու Ադրբեջանի հարաբերությունները կառուցվում են սահմանների անձեռնմխելիության, միմյանց ինքնիշխանության փոխադարձ հարգանքի և տարածքային ամբողջականության սկզբունքի հիման վրա:
