A1News.am-Ադրբեջանը ներկայում Քելբաջարի (Քարվաճառ) եւ Լաչինի (Բերձոր) շրջաններում ռազմական նշանակության ճանապարհների անցկացման ակտիվ աշխատանք է տանում, ասել է նախագահ Իլհամ Ալիեւը։
«Քելբաջարի եւ Լաչինի շրջաններում իրականացվում է ռազմական նշանակության ճանապարհների անցկացում։ Այդ ճանապարհների ընդհանուր երկարությունը կազմում է 700 կիլոմետր։ Առաջ այդ ճանապարհները, այդ թվում սահմանի ուղղությամբ, չկային»,- ասել է Ալիեւը AzTV-ի հարցազրույցում։
«Դա լայնածավալ աշխատանք է, մամուլում շատ չի լուսաբանվում։ Եվ դա հասկանալի է։ Բայց ռազմավարական տեսանկյունից եւ մեր սահմանների ամրապնդման տեսանկյունից այդ ճանապարհները շատ մեծ նշանակություն ունեն»,- նշել է նա, տեղեկացնում է Ինտերֆաքս-Ազերբայջանը։
