A1News.am-Starnews-ը վերջերս տեղեկացրել էր, որ Անահիտ Սիմոնյանը խոստովանել է, որ դեպրեսիվ շրջան է ունեցել, ավելին՝ հոգեբանի է դիմել, ում մինչ օրս այցելում է:
Մեր ունեցած տեղեկություններով՝ Անահիտի դեպրեսիաններն արդեն անցյալում են, նրա անձնական կյանքում փոփոխություններ են տեղի ունեցել, նա սիրելի ունի:
Վերջերս էլ Անահիտը ծաղկեփնջով լուսանկար էր հրապարակել և դրան կից գրել էր.«Ամենամեծ երջանկությունը աղջկան պարգևում են այն ծաղիկները, որոնք նվիրել են առանց առիթի, ոչ թե նրա ծննդյան կապակցությամբ»:
Օրերս Սիրուշոն թողարկել էր «Ես ու դու» երգը, այն ինստագրամյան հարթակում թրենդային է դարձել, և, որպես կանոն, ռոմանտիկ զույգերն իրենց մասնակցությամբ տեսանյութեր են պատրաստում տվյալ երգի ներքո: Այս երգն անմիջապես հայտնվել էր նաև Անահիտի սթորիում, հետևությունները թողնում ենք ձեզ:
Հիշեցնենք նաև, որ Անահիտը հազվադեպ տրվող հարցազրույցներում նշել է, որ իր և Հայկոյի հարաբերությունները հիմա կատարյալ են, ավելին՝ շատ ավելի լավն են, քան երբ իրենք ամուսիններ էին:
Թե որքանով է դա համապատասխանում իրականությանը, դժվար է ասել, սակայն ըստ Starnews-ի ունեցած տեղեկությունների՝ Հայկոն խորը ճգնաժամի մեջ է, իսկ հիմնվելով նրա վերջին լուսանկարների վրա՝ կարելի է տեսնել, որ նա միշտ ոգելիցի համար նախատեսված բաժակով է:
