A1News.am-Վահե Բալբաբյանը ֆեյսբուքյան իր էջում գրել է.
«Առաջին նկարում աշխարհի ամենահարուստ, հզորագույն երկրի մուլտիմիլիարդատեր Ցուկերբերգի առանձնատունն է, երկրորդում աշխարհի աղքատ երկրներից մեկի' Հայաստանի, չինովնիկ գագիկ խաչատրյան կոչվող ստահակ սատանայի ԱՄՆ-ում գնված դղյակը։
Գագիկ խաչատրյանին ես համարում եմ իմ անձնական թշնամին, ում 2009-ին ընկերությանս վրա հարձակման պատճառով ես կորցրեցի մի քանի միլիոն դոլար, կորցրեցի առողջությունս, վտանգի տակ էր դրված ազատությունս, զգալի վնասվեց արդեն հրաշալի աշխատող բիզնեսս։
Դրանից 1 տարի անց ստիպված եղա լքել երկիրս, գործս, տունս, որպեսզի պարբերաբար հարձակումների հետևանքով առաջացած պերմանենտ դեպրեսիայի պատճառով չգնամ էն աշխարհ։ Էնպես չէր, որ հանձնվել կամ փախել եմ իրենցից, պայքարել ու կռվել եմ ստեղծածիս համար, բայց առողջությունս զգալի վնասվել էր ու եթե չլքեի Հայաստանը էդ պահին, հիմա հաստատ ողջ չէի լինի։
Պատճառը մեկն էր՝ նա ցանկանում էր խլել բիզնեսս՝ շինծու գործ կարելով, որի հետևանքով ես պետք է վճարեի մոտ 1 մլրդ դրամի չափով տույժ ու տուգանք ու 5 տարի նստեի բանտում։ Ալտերնատիվը՝ հանձնվելն էր ու ստեղծածս իրենց հանձնելը։ Իհարկե նա չհասավ իր նպատակին, բայց ինչպես վերը նկարագրեցի ես զգալի տուժվեցի։
Ճանաչում եմ ու ճանաչել եմ առնվազն մի քանի հոգու, ովքեր կամ հանձնվել են ու հանձնել իրենց բիզնեսները, կամ մահացել են ասենք սրտի կաթվածից, կամ կուլ են գնացել էդ համակարգին, կամ միլիոնավոր դոլարների կաշառք են բաժանել, որպեսզի չդատվեն խաչատրյան կոչվող թշնամու գործողությունների պատճառով։
Հիմա սերժի նման տականքը ցանկանում է վերադառնալ ու վերադարձնել գագիկ խաչատրյանին ու նրա նմաններին՝ Արցախը «վերադարձնելու» կամ «պահելու» պատրվակով։ Դրա վառ ապացույցն է իշխանի նման նիկոլի դանգռատի օրերս տրված ինտերվյուի մի հատված, որտեղ նա ակամա լեզվի սայթաքում թույլ տվեց ու ասաց, որ նրանք պատրաստվում են վերադարձնել թալանը, ԹԱԼԱ՛ՆԸ:
Սրանք Արցախ ու Հայաստան պահողը չեն, սրանք ու իրենց հանցագործ մանկլավիկներն են մեղավոր Հայաստանի՝ Արցախը ներառյալ, չքավոր ու անզեն վիճակի համար։
Պարզապես իրենց իշխանության օրոք գերտերությունների դիմաց մատնոց են ֆռցրել, երկարաձգել են իրենց իշխանությունը, որպեսզի հնարավորինս շատ թալանեն։ Բոլոր չորսը՝ լտպ, ռոբ, սերժ, նիկոլ, ու նրանց անթիվ ու անհամար ստահակ մանկլավիկները։ Սրա՛նք են մեր երկրի ու ազգի առաջին՝ ներքին, թշնամիները։
Հիմա ԱՄՆ արդարադատության նախարարությունը սկսել է Հայաստանի ՊԵԿ նախկին նախագահ գագիկ խաչատրյանին պատկանող, Լոս Անջելեսում գտնվող շքեղ առանձնատան բռնագանձման գործընթաց։ Առանձնատունը, որն ունի գրեթե 2800 քմ մակերես, գտնվում է Լոս Անջելեսի Holmby Hills թանկարժեք թաղամասում։ Առանձնատունը ներկայում վաճառքի է հանված 63,5 միլիոն դոլարով։
Ու դուք չեք պատկերացնի, թե ես ինչքան ուրախ եմ հիմա։ Այն, ինչը չարվեց ու չի արվում Հայաստանում սկսվում է արվել ԱՄՆ-ում։ Ու դուք դեռ ինձ հարցնում եք, թե ես ինչու եմ հավանում ԱՄՆ-ը կամ ընդհանրապես Արևմուտքը։ Ու թե ի՞նչու եմ ցանկանում Հայաստանը դուրս բերել ռուսական ճահճից ու դարձնել արևմտյան քաղաքակրթության մի մասը։
Հիմա հարց. ո՞րտեղից պետական չինովնիկին էսքան գումարներ ու սա դեռ նրա ունեցվածքի դեռ առաջին երևացող չնչին մասն է։
Պատասխան. իմ նմաններին թալանածից։
Հանկարծ չփորձեք ինձ մեղադրել նիկոլականության մեջ, քանի որ նիկոլը սրանց մի մասն է ու շատ բարեհաջող մաքրեց-սրբեց սրանց։ Շատերը ինձ նման դա վաղուց են նկատել ու ձայն չեն բարձրացրել իրենցից խլված ունեցվածքն ու գումարները հետ բերելու համար։ Քանի որ բիզնեսմենները խելացի են ու ժամանակին հասկացել են դա ու ինձ նման ձայն չեն բարձրացրել, որպեսզի էլ ավելի մեծ խնդիրներ չստեղծեն իրենք իրենց համար։
Էնպես որ հարգելի-սիրելիներ ռոբասերժականներ, երբ խելացի դեմքով, բայց դատարկ գլխով հարց եք տալիս. «բա ու՞ր ա սաշիկի 50%-ը, բա ու՞ր ա թալանը»։ Թալանածը էնտեղ ա, որտեղ որ արդեն եղել ա նախկինում։ Բան չի փոխվել։
Բայց ոչինչ, բան չմնաց, մենք հետ կբերենք մեզնից թալանածը ու դա կանենք ԱՄՆ-ի օգնությամբ։ Վստա՛հ եմ։
Հ.Գ. Տեքստս մի քիչ էմոցիոնալ ու խառնիճաղանջ ստացվեց։ Պարզապես լավ նյարդայնացած եմ, երբ գագիկ խաչատրյանի հետ կապված ինչ-որ բան եմ իմանում։
Հ.Գ.Գ. Ես էլի ձայն չէի հանի հիմա, քանի որ դա հաստատ շատ վտանգավոր է ինձ համար, սակայն երբ տեսնում եմ, թե ինչպես են փորձում սրբագրել ու հերոսացնել էս ազգի թշնամիներին ու դա նրանց մոտ բարեհաջող ստացվում է, պարտքս եմ համարում էլ չլռել»։
