A1News.am-Լրագրող Նաիրի Հոխիկյանի գրառումը․ «Ադրբեջանի զինված ուժերը մարտի 24-ին խախտել են հրադադարը և մտել Արցախի Ասկերանի շրջանի Փառուխ գյուղի տարածք։ Ռուսական խաղաղապահ ուժերի արագ արձագանքման զորքերը տեղում են՝ փորձելով հետ ուղարկել թշնամու ջոկատներին։
Տեղում են նաև Արցախի ՊԲ զորքերը։ Հասկանալի պատճառներով ամեն մանրամասնություն չեմ գրում։ Բայց հանրության մեջ շրջանառվող խոսակցությունը, թե մերոնք Փառուխ և Խրամորթ գյուղերը տալիս են, որ Ադրբեջանը թույլ տա գազատարի աշխատանքը, չի համապատասխանում իրականությանը։
Ասկերանի այս գյուղերի և դրանց հարակից բարձունքների նկատմամբ Ադրբեջանը ձգտումներ ունեցել է նաև 1991-1994թթ ընթացքում, քանի որ այս գյուղերը չափազանց կարևոր ռազմավարական նշանակություն ունեն ինչպես թշնամու, այնպես էլ մեզ համար։
Արցախի ՊԲ-ն պատրաստ է մտնել և հենց այս պահին մաքրել Փառուխը թշնամուց։ Սպասենք ռուսական կողմի բանակցության արդյունքներին»։
