A1News.am-Starnews-ն արդեն տեղեկացրել է, որ երեկ՝ մայիսի 9-ին, ողբերգական պայմաններում մահացել է հաղորդավարուհի Արմինե Ճաղարյանը:
Նա նավակով նկարահանումներ իրականացնելիս գետն է ընկել։
Գետի հոսանքը մի քանի կիլոմետր քշել-տարել է երեկ Դեբեդն ընկած հաղորդավարուհուն:
«Ռետինե նավակով են եղել, 7 անձ է եղել նավակում, որոնցից մեկն էլ ամուսինն է եղել։ Բոլորը հատուկ հանդերձանքով են եղել` սաղավարտով և փրկարարական բաճկոնով։ Նավակը շրջվել է, ամուսինը փորձել է օգնել կնոջը` դուրս բերել նրան գետից, սակայն չեն կարողացել, քանի որ գետը քշել-տարել է աղջկան` առանձնացնելով խմբից»,-Sputnik Արմենիային այս մասին հայտնել է ՀՀ քննչական կոմիտե մամուլի խոսնակ Վարդան Թադևոսյանը։
Նշենք, որ համացանցում բուռն քննարկվում էր Rafting in Armenia ընկերության՝ տարածած գրառումը, որում նշված էր, որ իրենք մայիսի 7-ից անժամկետ դադարեցրել են ռաֆտելը Դեբեդ գետում:
Պարզվում է, որ Արմինեն արձագանքեր էլ տվյալ գրառմանը՝ նշելով հետևյալը.
«Մմմ, բա սենց ո՞նց»:
