A1News.am-Վարչապետի պաշտոնակատար Նիկոլ Փաշինյանի այսօրվա որոշմամբ, Արսեն Թորոսյանին ազատվել է վարչապետի աշխատակազմի ղեկավարի պաշտոնից։
Թորոսյանը, հիշեցնենք, առողջապահության նախարարի պաշտոնից ազատվեց այս տարվա հունվարին։ Նիկոլ Փաշինյանը հայտարարեց՝պետական կառավարման համակարգը ռեսթարթի անհրաժեշտություն ունի, որը պետք է սկսվի վարչապետի աշխատակազմից։
Փաշինյանի որոշմամբ, հունվարի 18-ին Էդուարդ Աղաջանյանն ազատվեց աշխատակազմի ղեկավարի պաշտոնից և այդ պաշտոնում նշանակվեց Արսեն Թորոսյանը։
Վարչապետի այսօրվա մեկ այլ որոշմամբ, ԿԳՄՍ նախկին նախարար Արայիկ Հարությունյանն էլ ազատվել է վարչապետի գլխավոր խորհրդականի պաշտոնից, որը զբաղեցնում էր 2020-ի նոյեմբերից, և նշանակվել վարչապետի աշխատակազմի ղեկավար։
