A1News.am-Այսօր՝ օգոստոսի 18-ին, արտակարգ դեպք է տեղի ունեցել Կոտայքի մարզում: Ժամը 13:10-ի սահմաններում, Արտակարգ իրավիճակների նախարարության Փրկարար ծառայության 911 ճգնաժամային կառավարման կենտրոն ահազանգ է ստացվել, որ Երևան-Սևան ավտոճանապարհին՝ նախկին Ճանապարհային ոստիկանության անշարժ հենակետի մոտակայքում ավտոմեքենա է այրվում:
Ինչպես հայտնում է ֆոտոլրագրող Գագիկ Շամշյանը, դեպքի վայր է ժամանել ԱԻՆ ՓԾ թիվ 44 հրշեջ-փրկարարական ջոկատը: Պարզվել է, որ Երևան-Սևան ավտոճանապարհի 43 կմ հատվածի ձախակողմյան գոտում, 50-ամյա Արմեն Հովհաննիսյանին պատկանող Hyundai Sonata մակնիշի ավտոմեքենայի շարժիչի հատվածից դուրս եկող գոլորշին հրդեհի տպավորություն է թողել, ինչի համար էլ ահազանգել են 911:
Հրշեջ-փրկարարները հոսանքազրկել են ավտեմեքենան և կատարել շարժիչի հովացման աշխատանքներ: Օպերատիվորեն ժամանել են նաև Ճանապարհային ոստիկանության 2-րդ սպայական գումարտակի 3-րդ վաշտի 2-րդ դասակի ծառայողները՝ վաշտի հրամանատար Արթուր Պետրոսյանի, դասակի հրամանատար Սարգիս Բագրատյանի գլխավորությամբ:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով' դատարանի' օրինական ուժի մեջ մտած դատավճռով:
