A1News.am-Այսօր, օգոստոսի 5-ին, խոշոր ավտովթար է տեղի ունեցել Գեղարքունիքի մարզում։ Ժամը 03։30-ի սահմաններում Սևան-Մարտունի-Գետափ ավտոճանապարհի 26․6-րդ կմ հատվածում բախվել են Գեղարքունիքի մարզի բնակիչներ 30-ամյա Արամ Ավագյանի վարած Mercedes մակնիշի և 36-ամյա Կարեն Ցոգոլակյանի վարած «ԳԱԶ 53 Ա» մակնիշի ավտոմեքենաները։
Ինչպես հայտնում է ֆոտոլրագրող Գագիկ Շամշյանը, վթարի հետևանքով 2 վարորդներն ու Mercedes-ի ուղևոր՝ Գեղարքունիքի մարզի բնակիչ 24-ամյա Էրիկ Ղալաչյանը մարմնական վնասվածքներով տեղափոխվել են «Գավառ» բժշկական կենտրոն։
Օպերատիվորեն դեպքի վայր են ժամանել Ճանապարհային ոստիկանության 2-րդ սպայական գումարտակի 4-րդ վաշտի 1-ին դասակի ծառայողները՝ վաշտի հրամանատար Էդգար Սուսլիյանի, դասակի հրամանատար Վաչագան Ոսկանյանի գլխավորությամբ։
Տեղում հետաքննական աշխատանքները ղեկավարել է նույն վաշտի հետաքննիչ Բակուր Սարիբեկյանը, ում կողմից փաստի առթիվ նյութեր են նախապատրաստվում։
