A1News.am- Ճանապարհային ոստիկանության 2-րդ սպայական գումարտակի 5-րդ վաշտի ավագ հետաքննիչ Ա. Պետրոսյանի կողմից նյութեր են նախապատրաստվում օգոստոսի 26-ին Լոռու մարզում տեղի ունեցած ավտովթարի փաստով։
Այդ օրը, ժամը 17։20-ի սահմաններում Վանաձոր քաղաքի բնակիչ՝ 31-ամյա Գարիկ Ծատինյանը Վանաձոր քաղաքում՝ Զորավար Անդրանիկ փողոցի 14 հասցեի մոտ իր վարած Nisan XTrail մակնիշի ավտոմեքենայով դուրս է եկել հանդիպակաց երթևեկելի գոտի, բախվել Վանաձոր քաղաքի բնակիչ՝ 47-ամյա Լյուդվիգ Գրիգորյանին պատկանող, կայանված վիճակում գտնվող Totota Camry մակնիշի ավտոմեքենային։
Ինչպես հայտնում է ֆոտոլրագրող Գագիկ Շամշյանը, վթարի հետևանքով Կ. Ծատինյանի ուղևոր՝ Լոռու մարզի բնակիչ, 51-ամյա Մարիետա Մարտիրոսյանը, իսկ ժամեր անց նրա մյուս ուղևոր՝ 34-ամյա Սյուզաննա Ներսիսյանը բժշկական օգնություն ստանալու նպատակով դիմել են «Վանաձոր» բժշկական կենտրոն։
Դեպքի վայր են ժամանել ՃՈ 2-րդ սպայական գումարտակի 5-րդ վաշտի 1-ին դասակի ծառայողները՝ դասակի հրամանատար Արման Սուքիասյանի գլխավորությամբ։ Գ. Շամշյանի տեղեկություններով՝ վարորդներից Գ. Ծատինյանը «Գարիկ Ծատինյան» ԱՁ տնօրեն է, իսկ Լ. Գրիգորյանը՝ «Լյուդվիկ Գրիգորյան» ԱՁ տնօրեն։
