A1News.am-ԱԺ փոխխոսնակ Իշխան Սաղաթելյանը, ամփոփելով այսօրվա հանրահավաքի արդյունքները, հայտարարեց, որ օրվա իշխանությունը չունի մանդատ` երկիրը նոր զիջումների տանելու: «Առաջարկում եմ վաղվանից ՀՀ բոլոր քաղաքների հրապարակներում բարձրացնել Արցախի դրոշը. մեր պայքարն այս դրոշի հավերժության մեջ է:
Մեկ անգամ ևս հայտարարում եմ` սա սկիզբն է մեր պայքարի ու այն լինելու է շարունակական... Անընդհատ հարցնում են` մարզերում ի՞նչ կարող ենք անել. տղե՛րք, կազմակերպեք, 20-30 հոգով հավաքվեք, ճանապարհ փակեք, վարչական շենք շրջափակեք, ցույց տվեք այս իշխանությանը, որ մանդատ չունեն` երկիրը նոր զիջումների տանելու»,- հայտարարեց նա: Այսօրվա հավաքն ավարտվեց:
