Դպրոցի տնօրենը ծեծել է աշակերտի ծնողին

Իրադարձային a1news 2022-01-08 22:50:00 2922
Հետևեք մեզ՝ Telegram-ում
befunky-collage-7_BSMLQ.jpg

A1News.am- Դպրոցի տնօրենը ծեծել է աշակերտի ծնողին:Այս տարվա ապրիլի 23-ին լուրջ միջադեպ է տեղի ունեցել Չեխովի անվան թիվ 55 միջնակարգ դպրոցում: Դպրոցի տնօրեն Գայանե Սարուխանյանը ծեծի է ենթարկել աշակերտուհի Լիդիայի մայրիկին` Նատալյա Սարգսյանին:

Պատճառն այն է եղել, որ տնօրենը ոչ պատշաճ հագնվելու համար Լիդիային դպրոցի մուտքից ուղարկել է տուն: Աշակերտուհու մայրը՝ Նատալյան, եկել է դպրոց եւ տնօրենից բացատրություն պահանջել՝ պնդելով, որ իր դուստրը պատշաճ է հագնվել:

Եվ տեսնելով, որ Սարուխանյանը մանկավարժին անհարիր բառապաշարով է խոսում իր հետ՝ ասելով, թե «ձեռ չի տալիս պայմանները, ռադդ քաշի՛», Նատալյան ձայնագրել է իր եւ տնօրենի խոսակցությունը: Ու երբ տնօրենին ասել է այդ մասին, վերջինս օգնության է կանչել ուսմասվար Էլզային ու պահակ Գարիկին, որոնք բռնության են ենթարկել Նատալյային:

Սակայն տնօրեն Սարուխանյանը «Ժողովուրդ»-ի հետ զրույցում հերքեց ծնողին ծեծի ենթարկելու փաստը. «Նման բան չի եղել: Ես երեխային տուն եմ ուղարկել, հետո մայրն է եկել դպրոց, բայց նրան հանգստացրել եւ ուղարկել ենք տուն»:

Աղբյուրը՝ «Ժողովուրդ» թերթ

Поделиться
Класс
Send