A1News.am- Հայկական շոուբիզնեսի վառ ներկայացուցիչներից երգչուհի Էմմին ամուսնացել է 2015 թվականին: Ամուսնությունի հետո երգչուհին տեղափոխվել է ԱՄՆ, իսկ իր ամուսնու մասին ֆեյսբուքյան իր էջում հայտնել էր հետևյալը.
«Երկար եմ սպասել, որպեսզի կիսվեմ կյանքիս ամենակարևոր լուրով: Հասունացել է պահն ուրախ լուրը պատմել նաև իմ սիրելի լսարանին ու մարդկանց, ովքեր հետաքրքրված են իմ կյանքով: Ամիսներ առաջ օրինականացրեցի հարաբերություններս սիրելիիս հետ: Անչափ երջանիկ եմ սիրելի ամուսնուս կողքին: Նա հանրային մարդ չէ, և սովոր չէ լրատվամիջոցների, լսարանի ուշադրությանը: Հուսով եմ` կհարգեք անձնական կյանքի մեր գաղտնիության իրավունքը:
Հ.Գ. Թեև ընտանիքս կազմավորվել է ԱՄՆ-ում, միևնույն է, Հայաստանի հետ կապս երբևէ չի ընդհատվի»,- նշել է նա:
Էմմիի ամուսինը՝ Վահե Գրիգորյանն է, նա իսկապես հանրային կյանք չի սիրում, երկար ժամանակ Էմմին նույնիսկ չէր ցուցադրում նրա դեմքը:
Սկզբնական շրջանում Էմմին նախընտրում էր ցուցադրել նրան մասնակի՝ ներկայացնելով նրա գլուխը, ինչն էլ համացանցում բուռն քննարկվել էր և մեմերի պատճառ էր դարձել:
Առաջին անգամ Վահեի, ով լինելու մասին, տեսանյութեր հայտնվեցին Էմմի մայրիկի՝ Նադեժդա Սարգսյանի հուղարկավորությանը, որի ժամանակ Վահեն անդադար կնոջ կողքին էր:
Ի դեպ, Նադեժդա Սարգսյանը առանցքային դեր է ունեցել նրանց հարաբերություններում, հարցազրույցներից մեկում Նադեժդան նշել էր, որ հենց ինքն է համոզել Էմմին ամուսնանալ և գնալ ԱՄՆ: Ըստ Նադեժդայի՝ ինքն արդեն վատառողջ էր և Էմմին չէր ցանկանում իրեն միայնակ թողնել:
Էմմին միայն հիմա՝ որդիների ծնվելուց տարիներ անց, պատրաստ է ներկայացնել ամուսնուն: Նա սկսել է հրապարակել ընտանեկան լուսանկարներ, որոնք էլ Starnews-ը ներկայացնում է իր ընթերցողներին:
