A1News.am-Երեկ՝ օգոստոսի 19-ին խոշոր հրդեհ է տեղի ունեցել Երևանում։ Ժամը 23։20-ին ահազանգ է ստացվել որ Մարտիրոսյան փողոցի վերջնամասում այրվում է անասնագոմի տանիք։
Ահազանգը փոխանցվել է թիվ 7, թիվ 13, թիվ 4 ՀՓՋ-ներին։ Ինչպես դեպքի վայրից հայտնում է ֆոտոլրագրող Գագիկ Շամշյանը, հրդեհի 1 Բիս կանչով՝ դեպքի վայր են ժամանել մեծ թվով հրշեջներ մի քանի մարտական հաշվարկ:
Հրշեջների աշխատանքները տեղում ղեկավարում են Արտակարգ իրավիճակների նախարարության Փրկարար ծառայության տնօրենի տեղակալ Տիգրան Պետրոսյանն ու Երևան քաղաքի փրկարարական վարչության պետ Առնոլդ Հարությունյանը: Ժամանել է նաև ԱԻՆ Փրկարար ծառայության տնօրեն Արմեն Գասպարյանը, ով տեղում իրավիճակի մասին տեղեկություններ է փոխանցում Արտակարգ Իրավիճակների նախարար Անդրանիկ Փիլոյանին:
Օպերատիվորեն ժամանել են նաև ՀՀ ոստիկանության Պարեկային ծառայության Երևանի գնդի 1-ին գումարտակի 2-րդ վաշտի պարեկները։ Մանրամասները քիչ ուշ․
