A1News.am-Ավելի քան 700 պաղեստինցի է վիրավորվել վերջին 24 ժամվա ընթացքում Արևելյան Երուսաղեմում իսրայելական ոստիկանության հետ բախումների ժամանակ, հաղորդում է Al Jazeera լրատվականը:
Այն բանից հետո, երբ Գազայի հատվածից արձակված հրթիռներին ի պատասխան Իսրայելական կողմը հարձակում է սկսել ՀԱՄԱՍ-ի ուժերի ուղղությամբ, վերջին ժամերին Արևելյան Երուսաղեմում ընթացող բախումների ընթացքում զոհվել է 24 պաղեստինցի, որից 9-ը` երեխաներ:
Բախումներին անդրադառնալով` Հորդանանի արտաքին գործերի նախարար Այման Սաֆադին ասել է, որ Երուսաղեմում խաղաղության և կայունության պահպանումն «առանցքային է»:
«Այժմ մեր ուշադրությունը կենտրոնում իրավիճակի սրումը դադարեցնելն է, որից հետո բոլոր անօրինական և սադրիչ միջոցները պետք է դադարեցվեն», - ասել է նա՝ անդրադառնալով Շեյխ Ջարրահ բնակավայրում և Ալ Աքսա մզկիթում Իսրայելի գործողություններին:
Հորդանանի ԱԳ նախարարը նշել է. «Պետք է պահպանել ստատուս-քվոն, և հարգել պաղեստինցիների իրավունքները»:
Հայտնի է, որ Իսրայելի պաշտպանության ուժերը մոբիլիզացման հրաման են ստացել: Երկրի պաշտպանության նախարար Բենի Գանցը հրամայել է մոբիլիզացնել 5000 իսրայելցի զինվորների՝ «ներքին ռազմաճակատի պաշտպանությունն ամրացնելու համար»: Զորքը տեղակայվելու է Գազայի հետ սահմանային ցանկապատի մոտ:
Լարվածությունը Արևելյան Երուսաղեմում սկսել է աճել ապրիլի կեսերից, իսկ մայիսի 7-ին իսրայելական սահմանապահ ոստիկանության և պաղեստինցիների բախումները սկսվել են միանգամից երկու վայրում ՝ Տաճարի լեռան և Շեյխ Ժարրայի շրջանում, որտեղ դատարանի որոշման համաձայն` Իսրայելի անվտանգության ուժերը վտարում են մի քանի արաբական ընտանիքների, ինչն ուղեկցվում են տեղի բնակչության բողոքներով և բռնի բախումներով:
