A1News.am-Facebook-ը կփոխի իր անունը Meta-ի, հայտարարել է ընկերության հիմնադիր Մարկ Ցուկերբերգը, հայտնել է ՌԻԱ Նովոստի-ն։
«Այսօրվանից կոչվելու ենք Meta»,- ասել է Ցուկերբերգը։
Նա նաեւ ներկայացրել է ընկերության՝ Մեբիուսի կապույտ ժապավենի տեսքով լոգոն:
«Առաջ ինձ դուր էին գալիս դասական հետազոտությունները, իսկ Meta բառը գալիս է հունարեն «հետո» բառից: Ինձ համար դա խորհրդանշում է այն փաստը, որ միշտ կարելի է եւս մեկ նոր բան ստեղծել»,- ասել է Ցուկերբերգը։
Նրա խոսքով՝ նոր ապրանքանիշն ընկերության ուշադրությունը կենտրոնացնում է մետատիեզերքի վրա, որտեղ մարդը կհրաժարվի էկրաններից եւ կզգա վիրտուալ իրականության մեջ գտնվելու էֆեկտը։
