A1News.am-Հունվարից ՀՀ քաղաքացիները կանգնելու են նոր պատուհասի առաջ՝ թանկանալու է ջուրը։ «Վեոլիա ջուր» ՓԲԸ-ն դիմել է Հանրային ծառայությունները կարգավորող հանձնաժողովին՝ ջրի սակագինը ավելի քան 40 դրամով թանկացնելու հայտով. ներկա 180 դրամի փոխարեն առաջարկվում է 1 խ/մ-ի գինը դարձնել շուրջ 223 դրամ։
Եթե «Վեոլիա ջուր» ընկերության հայտը հաստատվի, ապա 2022 թվականի հունվարի 1-ից ուժի մեջ կմտնի նոր սակագինը։
Նշենք, որ հատկապես այս տարի «Վեոլիա ջուրը» տարվա կեսից մինչ օրս անհարմարություններ է պատճառում քաղաքացիներին․ ամիսներ շարունակ օրվա տարբեր ժամերին ջրամատակարարումը դադարեցվել է՝ առանց որեւէ լուրջ պատճառաբանությունների:
Հանրային ծառայությունները կարգավորող հանձնաժողովի մամուլի խոսնակը մեզ փոխանցեց, որ ջրի սակագնի վերաբերյալ նիստը կնշանակվի մինչեւ նոյեմբերի 30-ը․ ««Վեոլիան» իր պայմանագրով նախատեսված բերում է ճգրտման սակագնի հայտը։ Այդ ճշգրտման հետ կապված ուսումնասիրությունն սկսվել է օգոստոս ամսից, նոյեմբերի վերջ նախատեսվում է քննարկել հարցը։ Ամբողջ ՀՀ-ում է սա, սակագները սահմանելուց հաշվի ենք առնում սոցիալապես անապահովների հանգամանքը։ 2018, 2019,2020, 2021 թվին, երբ սակագինը բարձրացել է, սպառողները վճարել են 180 դրամով։ «Վեոլիան» երբ դարձել է մատակարարող, մրցույթի պայմաններով է դարձել եւ այդ պայմաններից մեկը եղել է սակագները արդեն իսկ ճգրտված, որոշված։ Յուրաքանչյուր տարի բարձրանար, հետո իջներ գինը, 15 տարվա սխեման եղել է արդեն պայմանագրի հետ»։
Հարցին, թե էլեկտրաէներգիան եւ գազը թանկանալո՞ւ են, պատասխանեցին, որ դրանց վերաբերյալ դեռեւս հայտեր չկան։
