A1News.am-Երկրի վրա գլոբալ տաքացումը լրջորեն վնասում է բնության ջրապտույտը և առաջիկա տարիներին կարող է հանգեցնել աղետալի երաշտի: Այս մասին հայտարարել է գիտնական Փիթեր Գլեյքը։ Նա նշել է, որ ջերմաստիճանի բարձրացումը մեծացնում է ջրային ռեսուրսների սպառումը։
Նրա խոսքով, կլիմայական փոփոխությունների մասին կանխատեսումները սկսում են իրականանալ. այս գործընթացի ազդեցությունը բնության վրա կաճի։
Գլեյքը ափսոսում է, որ նախկինում քաղաքական գործիչները անտեսում էին գիտնականներին, որոնք երկար ժամանակ զգուշացնում էին մոտալուտ կատակլիզմների մասին: Եթե իշխանությունները շատ ավելի վաղ արձագանքեին, ապա հնարավոր կլիներ գոնե մեղմել գլոբալ տաքացման հետևանքները,- ասել է Գլեյքը։
Փորձագետները բազմիցս նշել են, որ անհրաժեշտ է զսպել ջերմաստիճանի բարձրացումը 1,5-2 աստիճան Ցելսիուսի սահմաններում։ Ավելի քան 190 երկրներ 2015 թվականի դեկտեմբերին ստորագրեցին կլիմայի վերաբերյալ փարիզյան համաձայնագիրը։ Այն սահմանում է գլոբալ տաքացումը մեղմելու գործողությունների ծրագիր: Փաստաթուղթը չի ենթադրում հանածո վառելիքից ամբողջական հրաժարում, սակայն պետությունները պետք է միջոցներ ձեռնարկեն կլիմայի փոփոխությանը հարմարվելու, արտանետումները նվազեցնելու և վերականգնվող էներգիայի աղբյուրներին անցնելու համար։
