Գոլորշիով վաննաներ դեմքի համար

Դեմքի խնամք a1news 2021-02-28 18:30:00 393
Հետևեք մեզ՝ Telegram-ում
mashki-xnamq_J1bjf.jpg

Մաքրող գործընթացների կանոնավոր կիրառումը մաշկի երիտասարդության պահպանման ամենակարեւոր գրավականներից մեկն է։ Մաքրող գործընթացները կարելի է անել նաեւ տանը, պարզապես անհրաժեշտ է ունենալ այդ հատուկ սարքավորումը։ Սարքի ճիշտ կիրառման դեպքում դուք նույն արդյունքին կհասնեք, եթե այցելեիք գեղեցկության սրահ։ Սակայն եթե այդ սարքը չունեք, ապա հետեւեք մեր խորհդին։

Գոլորշիով վաննաները շատ օգտակար են դեմքի մաշկի համար եւ կարգավորում է արյան շրջանառությունը, դեմքի գույնը, տոնուսը։ Արդյունքում մաշկն ավելի հարթ ու մաքուր է դառնում։

Նշենք, որ այս գործընթացը պետք է անել ոչ թե տանից դուրս գալուց, այլ գիշերը՝ քնելուց առաջ, որպեսզի մաշկն ամբողջ գիշերվա ընթացքում հասցնի հանգստանալ։ Մինչ վաննաների օգտագործումը դեմքը հարկավոր է լվանալ կաթով կամ լոսյոնով։ Դրանից հետո անհրաժեշտ է պատրաստել խոտաբույսերով թուրմը. օրինակ, հետեւյալը՝ 1 ճաշի գդալ լորենու, երիցուկի եւ եղեսպակի ծաղիկները պետք է խառնել, լցնել 1.5 բաժակ եռացրած ջրի մեջ եւ թողնել մոտ 20 րոպե։ Ստացված թուրմը պետք է լցնել թասի մեջ, տաքացնել եւ դեմքը՝ խավավոր սրբիչով ծածկվելով, պահել գոլորշու վրա 10-15 րոպե, ոչ ավելի։

Վաննայից հետո դեմքը կարելի է լվանալ երիցուկի թուրմով եւ քսել դիմակ՝ պատրաստված ձվի հարած սպիտակուցով եւ մեկ կաթիլ կտրոնի հյութով։ Ի դեպ, դիմակը կարելի է նաեւ փոխարինել մեկ ուրիշով։

Поделиться
Класс
Send