A1News.am- Գյումրի-Երևան ավտոմայրուղում տեղի ունեցած վթարի հետևանքով զոհվել է Հայաստանում ռուսական ռազմաբազայի զինծառայող, ևս չորս զինվորական վիրավորվել է, հայտնում է Հարավային ռազմական օկրուգի մամուլի ծառայությունը:
«Օգոստոսի ութի առավոտյան մոտ 07:00-ին, Գյումրի-Երևան ճանապարհի Թալին բնակավայրին հարակից հատվածում տեղի է ունեցել ռուսական ռազմաբազայի զինծառայողների մասնակցությամբ ՃՏՊ»,- հայտնում են Հարավային ռազմական օկրուգից:
Ավելի վաղ ՀՀ արտակարգ իրավիճակների նախարարության տեղեկատվության և հասարակայնության հետ կապերի վարչությունը հայտնել էր, որ Արագածոտնի մարզային ճգնաժամային կառավարման կենտրոնն օգոստոսի 8-ին, ժամը 06:23-ին ահազանգ է ստացել, որ Թալին-Մաստարա ավտոճանապարհին տեղի է ունեցել ՃՏՊ․ կան տուժածներ:
