A1News.am-<<Հրապարակը>> գրում է.Հայաստանը պետական մակարդակով համաձայնել է հրաժարվել «հայկական կոնյակի» սիմվոլիկայից, որը ոչ միայն Հայաստանի, այլ նաեւ ողջ Խորհրդային Միության սիմվոլիկաներից մեկն էր հանդիսանում։
Հայաստանի իշխանությունները այդ սիմվոլիկան փոխել են ԵՄ տրամադրելիք ֆինանսական օժանդակության հետ։ Մասնավորապես հունիսի 10-ի կառավարության նիստում հաստատվել է ԵՄ հետ համաձայնագրի կնքումը, որտեղ սեւով սպիտակի վրա գրված է, որ Հայաստանը այլեւս այդ հեքիաթային խմիչքը չի շշալցնելու, իսկ դրա համար ԵՄ-ն կհատկացնի երեք միլիոն եվրոյի օժանդակություն։ Իհարկե շշալցում կլինի, սակայն կլինի ոչ թե հենց կոնյակ, այլ պարզապես «բրենդի»։ Կամ էլ այլ անուն կհորինեն։
Սակայն դա էլ կարեւոր չէ։ Եվրոպացիները հետեւողականորեն իրենց գիծն են մղում առաջ։ Նրանք պայքարումեն կոնյակի համար արդեն ոչ առաջին տարին։ Պնդում են, որ այն լցվում է միայն Ֆրանսիայում, միայն համանուն նահանգում եւ միայն իր տեղի խաղողի արտադրանքից։ Մնացածը՝ պարզ բրենդի է։ Իսկ Հայաստանը վերցրել ու համաձայնվել են դրա հետ։
Կատակ է արդյոք, բայց երեք միլիոն եվրո հատկացվում է ռեբրենդինգի համար։ Իսկ իրականում այդ գումարը կոպեկներ են հայկական կոնյակի փառքի դիմաց, որը ոչ միայն ԽՍՀՄ-ում է եղել սիրված, որտեղ մատակարարվում է մինչեւ հիմա։ Նույնիսկ Չերչիլը, ինչպես ասում են, ամենաշատը նախընտրել է հայկական կոնյակ, եւ հիմա կարծես թե գերեզմանում նա շուռ է գալիս այս ամենից։
