A1News.am-SHAMSHYAN.com-ի տեղեկություններով՝ այսօր՝ հոկտեմբերի 25-ին, Հայաստանի քննչական կոմիտեի Երևան քաղաքի քննչական վարչության ճանապարհատրանոպորտային հանցագործությունների քննության բաժնի հատկապես կարևոր գործերով ավագ քննիչ Տիգրան Վարդանյանի որոշմամբ որպես կասկածյալ ձերբակալվել է Լոռու մարզի բնակիչ՝ 29-ամյա Հրայր Տոնոյանը։
Ինչպես հայտնում է ֆոտոլրագրող Գագիկ Շամշյանը, Տ. Վարդանյանի որոշմամբ հարուցված քրեական գործի շրջանակում պարզվել է՝ երեկ՝ հոկտեմբերի 24-ին, Երևանում՝ Սեբաստիա փողոցում վրաերթի հետևանքով մահացածների ինքնությունը. նրանք են Արագածոտնի մարզի բնակիչ՝ 41-ամյա Էդուարդ Խաչատրյանը և Երևանում հաշվառված՝ 57-ամյա Սուսաննա Խաչատրյանը։
Վերջիններս տեղում մահացել էին։ Ինչպես ավելի վաղ դեպքի վայրից հայտնել էր ֆոտոլրագրողը, երեկ՝ հոկտեմբերի 24-ին, մահվան ելքով վրաերթ էր տեղի ունեցել Երևանում: Ժամը 19:00-ի սահմաններում Nissan Tiida մակնիշի ավտոմեքենան Սեբաստիա փողոցում վրաերթի էր ենթարկել 2 հետիոտնի: Վրաերթի ենթարկվածները, որոնցից մեկը կին էր, մյուսը՝ տղամարդ, տեղում մահացել էին:
Օպերատիվորեն դեպքի վայր էր ժամանել Արտակարգ իրավիճակների նախարարության Փրկարար ծառայության Երևանի հրշեջ-փրկարարական ջոկատից 1 մարտական հաշվարկ: Օպերատիվորեն ժամանել էին նաև ՀՀ ոստիկանության պարեկային ծառայության Երևանի գնդի 2 գումարտակի ծառայողները՝ գնդի հևրամանատար Խաչիկ Սամվելյանի, գնդի հրամանատարի տեղակալ Անդրանիկ Իսխանայանի, գումարտակի հրամանատար Լևոն Բադալյանի և գումարտակի հրամանատարի տեղակալ Դավիթ Նիկողոսյանի գլխավորությամբ:
Օպերատիվորեն ժամանել էին նաև Երևանի 1-03 շտապօգնության թիվ 21 բրիգադի բժիշկների խումբը, ովքեր արձանագրել էին վրաերթի ենթարկվածների մահը, բայց տեղում մի քանի քաղաքացիների, ովքեր հավանաբար, մահացածների բարեկամներն էին, տեղում բուժօգնություն էին ցուցաբերել:
Իրավիճակը մի պահ դեպքի վայրում դարձել էր պայթյունավտանգ, քանի որ մարդիկ չէին թողնում, որպեսզի պարեկները պահեին դեպքի վայրը, մինչև կժամաներ քննիչը: Լրացուցիչ դեպքի վայր էին ժամանել ոստիկանության Մալաթիայի և ոստիկանության Մաշտոցի բաժնի մեծ թվով ծառայողներ:
Դեպքի մասին պարեկային ծառայության Երևանի գնդից տեղեկությունը փոխանցել էին Հայաստանի քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժին, որտեղից ժամանել էր քննչական խումբը՝ բաժնի պետ տեղակալ Սամվել Սամվելյանի և հատկապես կարևոր գործերով ավագ քննիչ Տիգրան Վարդանյանի գլխավորությամբ:
