A1News.am-Այսօր հերթական սադրանքն է տեղի ունեցել Սյունիքի մարզի Տեղ համայնքի Արավուս գյուղի դիրքերից մեկում։
«Փաստարկ» լրատվականի աղբյուրները փոխանցեցին, որ ադրբեջանական 10 զինվորական մոտեցել են նշված հայկական դիրքին և փորձ են կատարել մեր դիրքապահ տղաներին իրենց տեղակայման վայրից հետ ուղարկել` պատճառաբանելով, որ այդ դիրքն իրենց է պատկանում։
Ահազանգից հետո միջամտել են ռուս խաղաղապահները և կոնֆլիկտը լուծվել է առանց դիրքային որևէ փոփոխության։
Հավելենք, որ մեր աղբյուրները հայտնում են` թշնամին մեծաքանակ զորք և զինտեխնիկա է կուտակել Սյունիքի ողջ ճակատային հատվածում։ Զինտեխնիկան հարձակվողական բնույթի է, ներառում է նաև հեռահար թնդանոթներ։
Ստորև քարտեզում ներկայացված է հայկական, ռուսական և թշնամական զորամիավորումների տեղակայումը։
Նախիջևանի, Սյունիքի և Արցախի շրջաններում զորքերի տեղակայման քարտեզ։ Ահաբեկիչները, ում Թուրքիան և Ադրբեջանն օգտագործել են Հայաստանի դեմ պատերազմում, տեղակայված են Արցախի հարավում։
