A1News.am-Չինաստանի ազգային տիեզերական վարչությունը Կումունիստական կուսակցության 100-ամյա հոբելյանի առթիվ տեսանյութ է հրապարակել՝ ցուցադրելով «Չժուժուն» մարսագնացի վայրէջքը Կարմիր մոլորակի վրա:
Ինչպես ներկայացնում է «ՌԻԱ Նովոստի»-ն, հրապարակված կադրերում երևում է պարաշյուտի բացման և մարսագնացի՝ մոլորակի մակերեսով տեղաշարժվելու տեսարանը:
Չինական «Տյանվեն-1» առաքելությունը Մարս է ուղարկվել 2020 թվականի հուլիսի 23-ին: «Չժուժուն» մարսագնացն իր վայրէջքային հարթակից Մարսի մակերեսին իջել է մայիսի 15-ին, որից հետո սկսել է մոլորակի ուսումնասիրություն իրականացնել:
Առաքելության գլխավոր նպատակը կյանքի հնարավոր նշաններ հայտնաբերելն է, ինչպես նաև օգնել գիտնականներին հասկանալ, թե արդյոք կարող են մոլորակի պայմաններն օրերից մի օր փոխվել այնպես, որ այն պիտանի դառնա մարդկանց բնակության համար:
