A1News.am-Այսօր՝ փետրվարի 4-ին, խոշոր հրդեհ է տեղի ունեցել Երևանում: Ժամը 15:25-ի սահմաններում Արտակարգ իրավիճակների նախարարության փրկարար ծառայության 911 ճգնաժամային կառավարման կենտրոն ահազանգ է ստացվել, որ Դավիթ Բեկի փողոցի թիվ 134/4 հասցեում ավտոմեքենա է այրվում:
Ինչպես դեպքի վարից հայտնում է ֆոտոլրագրող Գագիկ Շամշյանը, օպերատիվորեն ժամանել են Երևանի հրշեջ-փրկարարական թիվ 9, թիվ 3 ջոկատներից 1-ական մարտական հաշվարկ:
Մինչ հրշեջների ժամանումը, ավտովերանորոգման կետում առաջացած կրակի տարածման դեմ պայքարել են ավտովերանորոգման կետի աշխատակիցները:
Հրշեջները մարել են կրակը, սակայն ավտովերանորոգման կետում գտնվող Opel մակնիշի ավտմեքենան ամբողջովին վերածվել է մոխրակույտի՝ ներսի ողջ գույքով, մասամբ վնասվել է նաև կայանված Range Rover մակնիշի ավտոմեքենան:
Մինչ հրշեջ-փրկարարների ժամանումը, հրդեհի վայրից 2 քաղաքացի հոսպիտալացվել է հիվանդանոց: Օպերատիվորեն ժամանել են նաև ՀՀ ոստիկանության պարեկային ծառայության Երևանի գնդի 1-ին գումարտա կի 2-րդ վաշտի պարեկները՝ գումարտակի հրամանատար Արամ Դադոյանի, վաշտի հրամանատար Նիկոլայ Ավետիսյանի գլխավորությամբ:
Տեղում ուժեղացված ծառայություն են կատարել նույն վաշտի ավագ պարեկներ Էդգար Սաֆարյանը և Արմեն Ասլանյանը, որպեսզի հետաքրքրասեր վարորդները ավտոմեքենաները չկայանեն և հրշեջները կարողանան ազատ աշխատել:
Թե ինչն է եղել հրդեհի պատճառը, պարզ կլինի ԱԻՆ-ում նշանակված փորձաքննության արդյունքները ստանալուց հետո: Պարեկային ծառայությունը պարզում է վիրավորների ինքնությունը:
