A1News.am-Tert.am-ը Հայ-ամերիկյան առողջության կենտրոնի սեքսոպաթոլոգ, բ.գ.թ., դոցենտ Սևադա Հակոբյանի հետ զրուցել է սեքսուալ նարցիսիզմի թեմայի շուրջ՝ փորձելով պարզել, թե կարո՞ղ է արդյոք այն սեռական խնդիրների պատճառ դառնալ:
Սեքսուալ նարցիսիզմը տերմին է, որն օգտագործվում է նկարագրելու այն մարդկանց, ովքեր ուռճացված, անիրատեսական պատկերացում ունեն սեփական սեռականության նկատմամբ: Նրանք համոզված են, որ ավելի շատ սեռական գրավչություն ունեն կամ ավելի հմուտ են սեռական գործունեության մեջ: Հաճախ նրանք շահարկում են ուրիշներին, որպեսզի պահպանեն այս տեսակետը:
Սեռական նարցիստի հետ հարաբերությունները կարող են դժվար լինել: Նրա վարքագիծը կարող է հոգեբանական հզոր վնաս հասցնել զուգընկերոջը:
Նրանց բնորոշ է.
• Մտերմության բացակայություն: Նարցիսիստները առաջին հերթին իրենց ֆիզիկական կարիքներն են կարևորում և չեն ձգտում զգացմունքային կապ հաստատել իրենց զուգընկերների հետ: Սեռական նարցիստի համար սեքսն ինքնին ավելի կարևոր է, քան զուգընկերոջ ցանկությունները կամ մտահոգությունները:
Գերակայության զգացում: Նարցիսիստները կարող են նվաստացնել և նախատել իրենց զուգընկերներին` բարձրացնելու իրենց ինքնագնահատականը:
• Դավաճանություն եւ սեռական կախվածություն: Հետազոտությունները ցույց են տալիս, որ սեռական նարցիստները ավելի հավանական է, որ դավաճանեն իրենց զուգընկերներին:
