A1News.am-Tert.am-ը Հայ-ամերիկյան առողջության կենտրոնի սեքսոպաթոլոգ, բ.գ.թ., դոցենտ Սևադա Հակոբյանի հետ զրուցել է ամենահաճախ հանդիպող սեռական խնդիրներից մեկի և հնարավոր այլ սեքսուալ խնդիրների թեմայի շուրջ՝ փորձելով պարզել, թե կարո՞ղ է արդյոք այն զույգի աններդաշնակության պատճառ հանդիսանալ: Վաղաժամ սերմնաժայթքումը սեքսոլոգիական այցելուների շրջանում ամենահաճախ հանդիպող խնդիրներից է:
Այն կարող է պայմանավորված լինել ֆունկցիոնալ և օրգանական պատճառներով, ոչ ռեգուլյար սեռական կյանքով (երկարատև սեռական ձեռնպահություններ): Վաղաժամ սերմնաժայթքման հակված են այն անձինք, որոնք ունեն տագնապային, անհանգիստ, հուզական, անկայուն բնավորություն: Պետք է ասել, որ ներկայումս կիրառվում է սեռական ակտի տևողության հետևյալ բնորոշումը՝ Intravaginal ejaculation latency time (IELT) : Վաղաժամ սերմնաժայթքում է համարվում նաև եթե անհատը չի կարողանում ղեկավարել սեռական ակտի տևողությունը՝ սերմնաժայթքումը տեղի է ունենում ներհրման պահին կամ անմիջապես դրանից հետո՝ ավելի վաղ քան ցանկանում են զույգերը:
Սեռական հարաբերության տևողության միջին վիճակագրական նորման գտնվում է 4-6 րոպեի սահմաններում: Արտահայտված տարբերակի դեպքում սերմնաժայթքումը տեղի է ունենում մինչեւ առնանդամի ներհրումը ( ejaculation ante portas ), ինչը անհնարին է դարձնում ոչ միայն սեռական ակտի իրականացումը, այլ պատճառ հանդիսանում անպտղության: Դերակատարություն կարող են ունենալ նաև օրգանական պատճառները` շագանակագեղձի, միզուղիների, առնանդամի գլխիկի բորբոքային գործընթացները: Սա կարող է խոչընդոտել զույգերին հոգեսեքսուալ բավարարության ստանալ, ինչը հնարավոր է տղամարդու մոտ արտահայտված տագնապային մտավախություն առաջացնել՝ պատճառ հանդիսանալով նաև այլ սեքսուալ խանգարման, օր. էրեկտիլ դիսֆունկցիայի ձևավորման:
Վաղաժամ սերմնաժայթքումը բարձր արդյունավետությամբ բուժվում է սեքսոլոգիական մեթոդներով՝ կիրառվում են համալիր ժամանակակից, դեղորայքային և ֆունկցիոնալ վարքային մեթոդներ:
