A1News.am-Ցրված սկլերոզը քրոնիկ հիվանդություն է, որն ախտահարում է մարդու նյարդային համակարգը: Տարբեր մարդկանց մոտ հիվանդությունը կարող է տարբեր կերպ դրսեւորվել, նաեւ՝ ախտանիշների արտահայտվածությունը կարող է տարբերվել:
Ըստ մասնագետների, երբեմն ցրված սկլերոզի դեպքում մարդիկ ձեռքում ծակոց են զգում, որը կարող է աննշան անհարմարություն պատճառել կամ դժվարացնել սովորական գործողությունները, օրինակ՝ որեւէ առարկա պահելը: Ինչպես նաեւ որոշ գործողություններ կատարելիս կարող է ցավ առաջանալ:
Մեյոյի կլինիկայի մասնագետների տվյալներով՝ այս ախտանիշները այն բանի հետեւանքն են, որ իմունային համակարգը գրոհում է նյարդերի պաշտպանիչ թաղանթները, ինչը հանգեցնում է ուղեղի եւ մարմնի այլ մասերի միջեւ կապի խնդիրների: Թմրության եւ ծակոցի տեւողությունն ու արտահայտվածությունը կախված են վնասման աստիճանից:
