A1News.am-Ուկրաինայի Դոնեցկի մարզի Կոնստանտինովկա քաղաքում հանգիստ է, մարդկանց մոտ խուճապ չկա։ Այս մասին NEWS.am-ի հետ զրույցում ասաց Կոնստանտինովկայի հայկական համայնքի ղեկավար Աղասի Բարսեղյանը։
Հայկական համայնքի ղեկավարի խոսքով՝ քաղաքը Կիեւից հեռու է 800 կմ, այնտեղ ապրում է 60-70 հազար մարդ, որոնցից մոտ 1000-ը՝ հայեր։
«Բնակչությունը հիմնականում տնից դուրս չի գալիս։ Քաղաքային իշխանությունն առաջարկեց տարհանում իրականացնել, բայց դուրս գալու իմաստ արդեն չկա, որովհետեւ Կիեւում մարտեր են ընթանում։ Մեզնից 3 կմ հեռավորության վրա ռազմական շտաբն են պայթեցրել։ Հակառակորդ կողմը խաղաղ բնակչությանը չի թիրախավորում»,- նշեց Բարսեղյանը։
Նրա փոխանցմամբ՝ խանութները եւ հասարակական տրանսպորտն աշխատում են, բանկերը՝ որոշակի խափանումներով։
«Բնակիչները, իհարկե, լարված են, բայց տագնապ չկա։ Սա մեզ համար արդեն երկրորդ պատերազմն է, մենք սովոր ենք»,- ասաց Աղասի Բարսեղյանը։
Մանրամասները՝ տեսանյութում։
