A1News.am-Sputnik Արմենիայի նկարահանած կադրերում երևում է, թե ինչպես են մարդկանց հորդորում գնալ դեսպանատան մոտ։ Այն պահին երբ հայտնի դարձավ, որ ԱՄՆ նախագահ Ջո Բայդենն իր ուղերձում ճանաչել է Հայոց ցեղասպանությունը, Ծիծեռնակաբերդի հուշահամալիրից հեռացող քաղաքացիները որոշեցին ճանապարհը շարունակել դեպի Հայաստանում ԱՄՆ դեսպանատուն։
«Ժողովո՛ւրդ ջան, երթով գնում ենք դեսպանատուն»,– հայտարարեցին երթի մասնակիցներն ու «Հրազդան» մարզադաշտի հարակից տարածքից ուղղություն վերցրին դեպի Իսակովի պողոտա` ԱՄՆ դեսպանատուն։
Հիշեցնենք` ԱՄՆ նախագահ Ջո Բայդենը ապրիլքսանչորսյան ամենամյա ուղերձում քիչ առաջ ճանաչել ու դատապարտել է Հայոց ցեղասպանությունը` օգտագործելով հենց «ցեղասպանություն» եզրույթը։
