A1News.am-Ռուսաստանի Դաշնության նախագահի մամուլի քարտուղար Դմիտրի Պեսկովը ասել է, որ Պուտինի և Զելենսկու հանդիպումը «հիպոթետիկորեն հնարավոր է», սակայն դրա անցկացման համար անհրաժեշտ է «կոնկրետ գրավոր փաստաթուղթ»:
Ավելի վաղ Կիևի հետ բանակցություններում ռուսական պատվիրակության ղեկավար Մեդինսկին նշել էր, որ նման համաձայնագիրը դեռ պատրաստ չէ, թեև Ուկրաինան սկսել է ավելի իրատեսորեն նայել Մոսկվայի պահանջներին։
Ռուսաստանի նախագահ Վլադիմիր Պուտինի և Ուկրաինայի նախագահ Վլադիմիր Զելենսկու հանդիպումը հնարավոր է, սակայն դրա անցկացման համար անհրաժեշտ է կոնկրետ փաստաթուղթ։ Այս մասին «Ռուսաստանի պետական հեռուստաալիքի եթերում ասել է ՌԴ նախագահի մամուլի քարտուղար Դմիտրի Պեսկովը։
«Պուտինը երբեք չի հրաժարվել նման հանդիպումից, և նման հանդիպումը այո հիպոթետիկորեն հնարավոր է , բայց որպեսզի դա կայանա, անհրաժեշտ է, որ երկու պատվիրակությունների աշխատանքի խորքում հասունանա կոնկրետ փաստաթուղթ։ Ոչ թե գաղափարներ , այլ կոնկրետ գրավոր փաստաթուղթ։ Հենց այդ ժամանակ էլ կգա նման հանդիպման հերթը»,- ասել է Դմիտրի Պեսկովը: